今日會講講大人細路都識嘅檸檬🍋 (英文：Lemon | 拉丁文：Citrus limonum)，屬芸香科嘅檸檬，唔講唔知，它原生於亞洲，後來傳入中東、歐洲，精油取自於它嘅果皮，用壓榨法萃取。精油呈淡黃色，帶著酸甜清新的氣味。

相信大部分人對檸檬都很熟悉，隨便說說都可以數出幾樣檸檬嘅好處，例如我哋會用檸檬做清潔啦🧹，化入雪櫃淨化裏面嘅氣味，檸檬裏面嘅維他命C有美白嘅功效同可以增強抵抗力💪🏻，聞到檸檬嘅氣味會覺得好醒神🤩…….好處數之不盡！

從科學角度去看，檸檬精油嘅主要化學成份係單萜烯，專門激勵免疫系統、抗菌🦠淨化，傳染病流行期間使用是不錯的。

要注意⚠️嘅係檸檬含化學成分呋喃香豆素，具光敏性，用後不宜曬太陽🌞，以免皮膚受刺激或敏感。

最簡單直接的用法一定是擴香，把4-6滴檸檬精油加進香薰機，然後擴香。想提升注意力，可加多2滴胡椒薄荷精油。

針對呼吸方面，可用呢個擴香配方：4滴檸檬精油＋3滴藍膠尤加利精油＋2滴薰衣草精油

最後，又再提醒大家出外要 #帶口罩 和 #勤洗手 呀！

Photo & Text : Aromatiqué